Perorsaariaaseq pingaartitallu
Perorsaariaatsimut anguniakkat:
Ilaatitsineq, attaveqatigiinneq piginnaasallu tunngavigalugit perorsaariaaseq
Ineqartut piginnaasaanik tunngaveqarluni anguniagaqarneq
Akuersaartuuneq
Akuersineq ataqqinninnerlu
Maluginninneq attaveqarnerlu
Isumassuineq ilinniartitsinerlu
Perorsaariatsimi suleriuserput ineqartuutitsinnut imminut naleqartitsinnerulernermut imminullu tatiginerulernermik kinguneqartitsisussaavoq, inuiaqatigiinnilu inissaqarlutik paasiartulissallugu taamaalillutik nammineq inuunerminnut iliuutsiminnullu akisussaaffik tigusinnaaleriartulissallugu.
Angajoqqaat amerlasuut nammineerlutik meeraanerminni naammattumik isumassorneqarsimannginnertik misigisimasarpaat, taamaalillutillu meeqqaminnut nammineq peqqinnartumik isumassuisinnaaneq attaveqatigiinnerlu ajornartorsiutigisarlugu. Angajoqqaat taamatut atugaqarsimasut takusinnaanngikkajuttarpaat meeqqami killissaat peqqinnartut suunersut taamaasilluni ataqatigiinneq meeqqap pisariaqartitaanik tunngaveqanngitsumik ingerlanneqalertarluni. Meeqqallu peqatiginerani angajoqqaat sakkussaanik tuniorarsinnaavagut meeqqap pisariaqartitaai tunngavigalugit perorsaanissamik, peqatigiinnerlu meeqqap pisariaqartitai nukissaalu tunngavigalugit ingerlanneqassalluni.
Tunngaviusumik pingaartitat:
Meeraq inuusuttorlu namminiussusilik toqqissisimasumik ineriartortumillu angerlarsimaffilik, ersarissunik sinaakkutalimmik sanarfineqarluarsimasumillu. Inersimasut akisussaaffimmik tigusisut maligassiusullu.
Meeraq inuusuttorlu nammineq misigissutsiminut pisinnaatitaaffilik, aqunnissaanulli misigissutsillu misiginissaanut ilinniartinneqartoq inuiaqatigiit iluanni malitassat malillugit.
Meeraq inuusuttorlu pisinnaatitaaffilik.
Meeraq inuusuttorlu Kalaallit piorsarsimassusianut ilisimaarinninnissamut inooriatsimullu ilinniarnissamut periarfissinneqarluartoq.
MIA-mi sulinermi anguniakkat
Meeraq inuusuttorlu toqqissisimasumik angerlarsimaffeqarnissaa, nammineq kinaassutsini tunngavigalugu inissaqarfigisaminik
Meeraq inuusuttullu misigissusaanik inissaqartitsiffiusoq
Meeraq inuusuttorlu isumaminik misigissutsiminillu annissisinnaasoq
Meeraq inuusuttorlu atuarnissaminik ilinniaqqinnissaminik suliffeqalernissaminillu kaammattorneqarluartoq
Meeraq inuusuttorlu soqutigisani tunngavigalugit sammisaqarsinnaanissaminut periarfissaqarluartoq
Meeraq inuusuttorlu peqqinnartumik inuunissaminut periarfissaqarluartoq
Inersimasut ineqartunut inissaqartitsilluartut maligassiuisullu